السبت، 16 يوليو 2011

قصة انسان

قصة انسان
لااا ارجوكم لااا ,, لا تحاولون إعادة تجميع ضلوعي
لا تحاولون ,, مسح شيء من دموعي
دعوها تبلل ألماً في وجداني
إن كنتم تروني وتحيكون احزاني
اخطو..في مثل خطاكم
وان شئتم "اتحداكم"
ورغم هذا ,, ابقى دون مستواكم..!!؟
اشق طريقي لوحدي بظلمات الليل الداكنه
فتسلبه .. ايديكم.. بمحض كبرياء وغرور
ابكي بشده .. وانتم تقهقهون بسرور
وعندما احتاجكم .. القى نظرة عطرف مستوره
لماذاا .. تعاملوني هكذا
كل ما اريده منكم هو ان تعرفوا
بأن لي .. عقل يفكر .. وقلب بنبض

السلام عليكمـ ورحمة الله
اشحالكم عساكم بخير ,,
اممم اليوم وانا يالسه اشوف الهارديسك اللي عندي
شفت صور كنت مصورتها لما رحت لحفل ذوي الاحتياجات الخاصه
قلت خليني اكتب لكم كيف كان شعوري في هذاك اليوم

اممم بصراحه كنت اول مره اروح بث ياني شعوور غريب حيل لاني اول مره اتعامل وياهم في كل مره اشوفهم من بعيد ولا في التلفزيون ودائما اقول
قلبي يعورني لو شفتهم بصيح جدامهم ما اريد اشوفهم بنظرة العطف لان هاي النظره تجرحهم ولاني لما اكون تعبانه ما ارضى احد يشوفني بهاي النظره ..
لكني ..
يوم شفتهم ما اعرف كيف اوصف لكم حسيت بشعور اول مره احس فيه
في البداية اكيد قلت الحمدالله على النعمه اللي نحن عليها بث نفس الوقت تضايقت من نفسي ليش اني كنت دائما اخاف من هالعالم وابتعد عنه مع انه عالم جميل ومرهف الاحساس وتضايقت اكثر من المجتمع اللي حولنا ليش كانو يعطوني فكره غير صحيحه عن المعاقين .. وكانو يميزون من بين الانسان سليم والانسان المعاق وهاي الفكره اللي ضايقتني حيل لان في بعض المعاقين عندهم اعاقه بسيطه يعني لو اختلطو ويانا ما راح يضرونا في شيء ..

تدرون من شفتهم خطرت مئه فكره وفكره في بالي من شفتهم تعلمت ان الحياه ما توقف عند حد معين .. وتعلمت الانسان المعاق ليس عاجزا وليس عالة على احد بل هو عنصر فعال وقادر على العطاء والابداع اذا سمحت له الفرصه..هم ناس يملكون طموح اكثر منا..

لازم نعاملهم باحسن طريقه وما ننسى ان كل شخص معرض للاعاقة في اي زمان ومكان

اول شخص تكلمت معاه كان اسمه محمد من العين اممم انسان طيب حيل وحبوب بث اول ما كلمته قال لي تدرين انا ابوي متوفي يااااااااه يااقلبي لما قالي هالكلمه قالها وهو متاثر وانا احاول اتمالك نفسي وما ابين له اني متاثره
قلت له لازم تقول الله يرحمهم وتدعيلهم قال انزين وسكرنا الموضوع عشان لا يتضايق

بعدين شفت سااالم المغازلجي هذا الولد هلكني من الضحك لدرجة اني كنت بصيح من الضحك .. غصب طيب تاخذين رقمي ووين ما الف القاه ويعلق على كل حركه
>> شاف نعال "اكركم الله " طايحه على الارض جان يقولي ساندريلا شلي نعالج طايحه بالارض ولا تتريني اقيسها على الكل << مع ان النعال هب نعالي

امااا في وحده كانت بعد حبوبه حيل وتصورت انا وهيه لما حضنتها ياني احساس باني راح اصيح في اي لحظه لكنها في دقيقه غيرت لي مشاعري وخلتني اضحك من كل قلبي وخلت كل من حولنا يشوفنا ونحن نتصور من حركاتها ..

يااااي صج صج اللي كان في خاطري احظنه (...) لما شافني قال للاستاذ استاذ هذي اختي !! الاستاذ انصدم وانا بعد.. قال لي صح انتي اختي قلت له يييس اكيييد انا اختك
ومن كثر ما انه فرح كوب الجاي اللي كان بيده انجب على ملابسه وساعدته في تنظيف وسكت عني وراح بعد فتره وانا اسولف مع ربيعتي جان ايي ويبوس يدي ويقوول هذي اختي يت حفلتي اااااه في هاااي اللحظه خلااااص كنت ابي احظنه واصييييييح

و أحلى شي تصورت ويا واحد هو فيه شلل دماغي بس ما يقدر يتحرك لكن يفهم كل شي يصير حوله .. و يوم الحفل كان كاشخ ولابس غتره و عقال و بشت
و حبيت اني اتصور وياه و ما احسسه بأي شي ثاني
ف الهندي المسؤول عنه عدل له الغتره و العقال و تصورت وياه
و هو كان مبتسم أحلى ابتسامه ^^  

طلعت من هذاك المكان وانا افكر واتمنى اني بهاي الكم صوره اسعدتهم لو بنسبة واحد بالمئه وقلت لازم ازورهم مره ثاني لان (...) قالي اختي انتي بتين تزورينا قلت له ان شاء الله والحين تفكيري صار غير الاول وتبدل و الحين صرت اتمنى اشوفهم واتعامل وياهم اكثر من الاول ...

يجب أن لا نعاقب المعاق على ذنب لم يرتكبه بل ابتلته به الحياة، هذا الإنسان الذي ربما هو أب أو أخ أو صديق لنا لنضم صوتنا إلى صوتهم ولنأخذ بأيديهم لننهض بمجتمعنا ولنصنع معاً مجتمع المساواة مجتمع يقدم الواجب ويعطي الحق (مجتمع الأصحاء).

اوعدكم باذن الله انزل لكم الصوره في الموضوع الياي ..

هناك 4 تعليقات:

daloo3a يقول...

يا محلاات هاليوم كيف كان

الصراحه انصحج تآخذين تطوع وياهم بتستانسين ^^

Unknown يقول...

منوره فديتج ..
هيه والله كان يوم وايد حلوو ..
واستانست فيه حيل ..
ان شاء الله اذا الله قدرنا وكتب لنا بندخل تطوع =) ليش لا فكره حلوه ^^

Jamila يقول...

يالله ..
بجد بجد عجبني البوستر كثثثير !

الفئة دي انا مااسميها ذوي الاحتياجات الخاصة .. اسميها ذوي القدرات الخاصة ..

بالفعل ترى عندهم قدرآت والله محد يدري عنهم .. !!

انا السنة الي فاتت بدأت في مشروع عنهم .. هع وللأسف لسا ماخلصته بس لازالت الفكرة موجودة ..

( عرض للتذكير بأهمية قدراتهم , ومبدعون قادرون منهم )

يعطيك الف الف عافية عـلى الموضوع الجميل ..


وبالفعل ياليت اننا بين فترة وفترة نروح نزورهم .. وكمان الايتام برضو ..

:)

دمتِ بود | JAMILA

غير معرف يقول...

هالفئة وايد تنحب ..

شكرا